Միջազգային կառույցների կողմից Իրանի նկատմամբ պատժամիջոցների խստացումն էական ազդեցություն չի ունենա Իրան-Հայաստան հարաբերությունների վրա: «Առաջին լրատվական»-ի հետ զրույցում նման կարծիք հայտնեց առևտրաարդյունաբերական պալատի գործադիր տնօրեն Արայիկ Վարդանյանը:
«Գուցե տնտեսական ցուցանիշներն ընկնեն, բայց, ընդհանուր առմամբ, թե՛ տնտեսական, թե՛ քաղաքական փոփոխություն չի լինի»,- նշեց նա:
Հիշեցնենք, որ այս տարվա սկզբից իրանական ռիալը ԱՄՆ դոլարի նկատմամբ բավական անկում է գրանցել՝ մոտ 12%-ով, իսկ եվրոպական երկրները համաձայնություն են ձեռք բերել արգելք դնել իրանական նավթի ներմուծման վրա: