Աֆղանստանի իշխանությունները մեղադրանք են ներկայացրել Մեծ Բրիտանիայի երկու քաղաքացու` զենքի մաքսանենգությամբ զբաղվելու համար: Այս մասին հայտնում է Telegraph-ը` վկայակոչելով Աֆղանստանի կառավարության ներկայացուցիչների հայտարարությունը:
Բրիտանացի Ջուլիան Սթիլը և Ջեյմս Դևիսը ձերբակալվել են երեքշաբթի օրը Քաբուլ ուղևորվելիս: Նրանց ավտոմեքենայի մեջ հայտնաբերվել են АК-47 30 ինքնաձիգներ: Բրիտանացիները ոստիկաններին հայտնել են, որ աշխատում են մասնավոր թիկնապահական Garda World ընկերությունում: Նրանց ուղեկցել են երկու աֆղանցիներ, որոնք նույնպես ձերբակալվել են:
«Ձերբակալվածների մոտ զենքերի վերաբերյալ ոչ մի փաստաթուղթ չի եղել, այդ պատճառով մենք մեղադրանք ենք ներկայացրել զենքի մաքսանենգության համար և նրանց հանձնել դատախազությանը` հետագա հետաքննության համար»,- ասել է Աֆղանստանի կառավարության ներկայացուցիչը Քաբուլում կայացած մամլո ասուլիսի ժամանակ: