Նոր տարվա սկզբին շվեյցարական Ալպերը զարդարել է լուսային շոուների վարպետ Հերրի Հոֆշտետերի հսկայական ինստալացիան:
Նոր շոուն նվիրված է Յունգֆրաու երկաթուղային ճանապարհի հարյուրամյակին, որը Շվեյցարիան պատրաստվում է մեծ շուքով նշել 2012 թվականին:
Ինչպես հայտնում է շվեյցարական նորությունների Наша Газета կայքը, միջոցառման սկիզբն ազդարարվելու էր դեկտեմբերի 31-ին, սակայն եղանակային վատ պայմանների պատճառով գաղափարի հեղինակներին չի հաջողվել տեղ հասնել:
Հունվարի 1-ին Հոֆշտետերը Յունգֆրաուի հյուսիսային լանջը վերածել է հսկայական էկրանի, որտեղ իրար են հաջորդում շվեյցարական խաչերը, երկաթուղային գնացքները, Յունգֆրաու երկաթուղային ճանապարհի հեղինակի` Ադոլֆ Գայեր-Ցելլերի և մի շարք այլ նկարներ:
