Ադրբեջանական APA լրատվական գործակալությունը, վկայակոչելով Radio Free Europe/Radio Liberty-ի թուրքմենական ծառայությանը, հայտնում է, որ Թուրքմենստանի նախագահ Գուրբանգուլի Բերդիմուհամեդովը վիրավորել է թուրքերին։
Թուրքական ընկերության իրականացրած շինարարական աշխատանքների կապակցությամբ նկատողություն անելով իր չինովնիկներին՝ Բերդիմուհամեդովն իր ելույթում գործածել է վիրավորական արտահայտություններ։ Նա իր չինովնիկներին ասել է, որ նրանց գլուխները չեն աշխատում, և նրանք իրենց ժողովրդի առջև վերածվել են ծիծաղի առարկայի։
Ապա Բերդիմուհամեդովը թուրքերի վերաբերյալ հայտարարել է. «Սկզբում նրանք նայում են աչքերիդ մեջ ու ստում, իսկ հետո աքացի են տալիս հետույքիդ։ Ես ի սկզբանե մեր չինովնիկներին զգուշացրել էի, որ թուրքական ընկերություններն ի վիճակի չեն կատարելու այդ աշխատանքը»։