Հունվարի 4-ին` ժամը 09.45-ին, Գյումրիի շտապօգնության կայանից ոստիկանությունում ահազանգ է ստացվել, որ «Շիրակ» օդանավակայանի տարածքում կայանված ավտոբուսում պայթյուն է տեղի ունեցել:
«Առաջին լրատվական»-ը ոստիկանությունից տեղեկանում է, որ մեկնած օպերատիվ խումբը պարզել է, որ նույն օրը` ժամը 09.30-ի սահմաններում, «Շիրակ» օդանավակայանի տարածքում կայանված «ԿԱՎԶ» մակնիշի ավտոբուսի սրահում տեղադրված գազի արտահոսքից տեղի է ունեցել պայթյուն:
Դրա հետևանքով ավտոբուսն ամբողջությամբ այրվել է, իսկ վարորդը՝ 1954 թ. ծնված Սամվել Հ-ն, մարմնական վնասվածքներով տեղափոխվել է հիվանդանոց:
Միաժամանակ պարզվել է, որ պայթյունի հետևանքով մասամբ վնասվել է նաև հարակից ավտոտնակում կայանված «Ռենջ Ռովերե մակնիշի ավտոմեքենան:
Կատարվում է նախաքննություն: