Նոր հետազոտության արդյունքում պարզվել է, որ կանանց մոտ սեռական հարաբերություններ ունենալու ցանկությունը տարիքի հետ նվազում է, բայց նրանց համար սկսում է ավելի շատ կարևորվել որակը:
Կալիֆոռնիայի համալսարանի գիտնականները պարզել են, որ միջինից բարձր տարիք ունեցող կանանց համար սեռական հարաբերությունների որակն ավելի կարևոր է, քան քանակը: Գիտնականները ենթադրում են, որ սրա պատճառն այն է, որ կանանց համար այդ տարիքում նույնչափ կարևորվում է սիրային հարաբերության մեջ լինելը, որքան պարզ բնազդը:
Հետազոտողները ուսումնասիրել են 67-80-ամյա 806 կանանց սեռական կյանքը: Պրոֆեսոր Էլիզաբեթ Բարեթ-Քոնորի գլխավորած հետազոտողների խումբը պարզել է, որ կանայք մեծանալուն զուգընթաց կորցնում են սեռական ակտիվությունը: Կանանց 40 տոկոսը հայտնել է, որ ոչ հաճախ է սեռական հարաբերությունների կարիք զգում: Բայց կանանց 61 տոկոսը հայտնել է, որ, չնայած հաճախ սեռական հարաբերություններ չի ունենում, բայց գոհ է դրանցից և ուրախ է իր սեռական կյանքով:
Daily Mail-ը գրում է, որ հետազոտության արդյունքները հրապարակվել են American Journal of Medicine ամսագրում:
