Իրանական Mehr News լրատվական գործակալության փոխանցմամբ՝ Իրանի ներքին գործերի նախարար Մուսթաֆա Մուհամեդ Նաջարը հայտարարել է, որ նախորդ տարվա դեկտեմբերի 24-30-ը Իրանում անցկացվել է այս տարի կայանալիք խորհրդարանական ընտրություններում թեկնածուների գրանցման գործընթացը։
Այդ ընտրություններում իր թեկնածությունն է առաջադրել 5283 մարդ, որոնցից 390-ը կանայք են, 700-ը՝ ռեֆորմիստներ։ Իրանի խորհրդարանական ընտրությունները կայանալու են մարտի 2-ին, և հիմնական պայքարն ընթանալու է պահպանողականների ու ռեֆորմիստների միջև, թեև ընդդիմադիր մամուլը հայտնում է, որ ռեֆորմիստական ճամբարի մի շարք կուսակցություններ, խմբեր ու ներկայացուցիչներ չեն մասնակցելու առաջիկա ընտրություններին։