Ֆրանսիացի ռեժիսոր Միշել Խազանավիչուսի սև-սպիտակ «Արտիստը» ժապավենը, Սթիվեն Սփիլբերգի «Մարտական նժույգը», Ալեքսանդրա Փեյնի «Ժառանգները» և Թեյթ Թեյլորի «Աղախինը» դրամաները ընդգրկվել են Ամերիկայի պրոդյուսերների գիլդիայի կողմից առաջադրված ֆիլմերի տասնյակի մեջ, որ հավակնում են արժանանալ «Տարվա լավագույն ֆիլմ» կոչմանը:
Ինչպես հայտնում է ИТАР-ТАСС գործակալությունը, գիլդիայի բոլոր ժամանակների ամենահայտնի անդամներն են Ջերի Բրուքհայմերը, Քլինթ Իստվուդը, Ալֆրեդ Հիչքոկը, Ուոլտ Դիսնեյը:
Գիլդիայի կազմում են «Օսկարի» անվանակարգերում բազմիցս առաջադրված այնպիսի անձինք, ինչպիսիք են Սփիլբերգը, Վուդի Ալենը, Դեյվիդ Ֆինչերը, Փեյնը և Բենեթ Միլլերը:
Նրանց կողմից ներկայացված ժապավենները` «Մարտական ձին» (Ս. Սփիլբերգ), «Ժամանակի պահապանը» (Ս. Սկորսեզե), «Կեսգիշերը Փարիզում» (Վ. Ալեն), «Վիշապի դաջվածքով աղջիկը» (Դ. Ֆինչեր), «Ժառանգները» (Փեյն) և «Մարդը, որը փոխել է ամեն ինչ» (Միլլեր), նույնպես հավակնում են գիլդիայի «Լավագույն ֆիլմ» անվանակարգին:
«Լավագույն անիմացիոն ֆիլմ» անվանակարգում հաղթողանակի են հավակնում Սփիլբերգի «Տինտինի արկածները», «Կունգ Ֆու Պանդա», «Ռանգո» և «Կոշկավոր կատուն» ժապավենները:
Այս անվանակարգում պրոդյուսերների կարծիքը գրեթե համընկել է Հոլիվուդի արտասահմանցի լրագրողների ընտրության հետ:
«Վավերագրական ֆիլմեր» անվանակարգում պայքարում են «Բիլ Քենինգեմ Նյու Յորք»-ը, «Նիմ» նախագիծը», «Միությունը» և «Սեննա» ժապավենը, որը պատմում է բրազիլացի հայտնի ավտոարշավորդի մասին:
Ավանդաբար, սուր պայքար է գնում «Լավագույն կատակերգական հեռուստասերիալ» անվանակարգում: Դրանք են՝ «30 ռոք», «Երգչախումբ», «Ամերիկյան ընտանիք», «Մեծ պայթյունի տեսություն», «Զբոսայգիներ ու հանգստյան գոտիներ» սերիալները, որոնք տարիներ շարունակ չեն իջնում ամերիկյան հեռուստաալիքների էկրաններից:
Պրոդյուսերների մրցանակների հաղթողների անունները հայտնի կդառնան հունվարի 22-ին:
Գիլդիայի շատ անդամների կարծիքները կարևոր բարոմետր են համարվում, քանի որ հաճախ համընկնում են Ամերիկյան կինոարվեստների ակադեմիայի անդամների կարծիքի հետ, որոնք շնորհում են «Օսկարը»:
ԱՄՆ-ում հենց պրոդյուսերը և ոչ թե ռեժիսորն է համարվում ֆիլմի կերտման մեջ գլխավոր ֆիգուրը: Այդ պատճառով էլ «Տարվա լավագույն» ֆիլմի հաղթողին որոշում են հենց պրոդյուսերները:
