Business-Грузия-ի փոխանցմամբ՝ Վրաստանում պարտադիր է դառնում ավտոլիցքավորման կետերում տեսախցիկների տեղադրումը։ Վրաստանի էկոնոմիկայի և կայուն զարգացման նախարարության արձակած հրամանի համաձայն՝ դրանք պետք է տեղակայվեն 2012 թվականի հունիսի 1-ից ոչ ուշ։
Նշվում է, որ դա արվում է մի քանի պատճառնով։ Դրանցից մեկն էլ այն է, որ բենզալցակայանները համարվում են վտանգավոր օբյեկտներ, և տեսախցիկների տեղադրումն անհրաժեշտ է տեխնիկական անվտանգության տեսանկյունից։ Տեսախցիկները կօգնեն խուսափել բազմաթիվ սպառնալիքներից։
Տեսախցիկների քանակը կախված է լինելու տվյալ բենզալցակայանի ենթակառույցներից։ Չնայած դրան՝ տեսախցիկի վերահսկողության տակ պետք է լինի կայանի ճակատային մասը։
