Ադրբեջանական 1news.az-ի փոխանցմամբ՝ Չինաստանի պաշտպանության նախարարության ներկայացուցիչները հունվարի 7-ին ժամանելու են Ադրբեջան։
Այս մասին հայտարարել է Ադրբեջանի պաշտպանության նախարարության մամլո ծառայությունը։ Ավելի վաղ Ադրբեջանի պաշտպանության նախարար Սաֆար Աբիևը բավական գոհացուցիչ է որակել երկու երկրների ռազմական կապերը։
Հիշեցնենք, որ երկու օր առաջ Աբիևն ընդունել էր Ադրբեջանում Չինաստանի ռազմաօդային և ռազմածովային կցորդ, ավագ գնդապետ Ջան Չուանին։ Հանդիպման ժամանակ կողմերը քննարկել էին Չինաստանի և Ադրբեջանի միջև ներկայիս ռազմական կապերը և ռազմական համագործակցության հեռանկարները։
