Իսրայելական Mig News-ի փոխանցմամբ՝ իսրայելական Elbit Systems պաշտպանական ընկերությունը հայտարարել է, որ կարգավորվել են Վրաստանի կառավարության հետ կնքած գործարքի պայմանները, որը գնահատվում է մոտ 35 միլիոն դոլար։
Ըստ այդ համաձայնագրի՝ Վրաստանը, բացի վերոնշյալ գումարից, Elbit ընկերությանը վերադարձնելու է նաև մի շարք զինատեսակներ և պաշտպանական համակարգեր։
Նշվում է, որ այս տարվա ապրիլին Elbit ընկերությունը դատի էր տվել Վրաստանի կառավարությանը, քանի որ վերջինս հրաժարվել էր կատարել 2007 թվականին կնքված պայմանագրի կետերը։ Դրա համար Elbit ընկերությունը պահանջում էր 100 միլիոն դոլարի փոխհատուցում։
