«Ճշմարտության հետքերով» նախաձեռնությունը հաղորդագրություն է տարածել` հայտարարելով, որ «Չենք լռելու»–ն ֆինանսավորվում է դաշնակների կողմից: Հաղորդագրության մեջ, մասնավորապես, ասված է.
«2011 թվականի հասարակական նշանակություն գրեթե բոլոր դեպքերն ու դեմքերը ունեցան նախընտրական տրամաբանություն և շարժառիթ: Այս շարժառիթն էր հետապնդում տարբեր կիբեռհայրենասիրական քաղաքացիական խմբերի ստեղծումը և ակտիվ լուսաբանումը ԶԼՄ-ներով: «Չենք լռելու», «Խոսքի իրավունք», տարբեր տեսակի լիգաներ, և բանակին վերաբերվող կազմակերպություններ, որոնց հեռահար նպատակը քաղաքական դիվիդենտներ հավաքելն է՝ այս կամ այն ուժի համար: Սակայն 2012 թվականին այդ հեռահար նպատակը ավելի կբացահայտվի և ընտրությունների շեմին նրանք ստիպված կլինեն խոստովանել, որ պատվերներ են կատարել:
«Ճշմարտության հետքերով» նախաձեռնությունը ստեղծվել է հայաստանաբնակ երիտասարդների կողմից, որոնք կարիերիստական նկրտումներ չունեն, դրամաշնորհներ չեն ուտելու և բոլոր հարթակներում պաշտպանելու են քաղաքացու շահերը գրանտակեր իրավապաշտպաններից, տարիներով Ազգային ժողովի բազկաթոռները մաշեցնող պոպուլիստ պատգավորներից, հայհոյող ու թալանող պաշտոնյաներից ու նրանց կողմից աճեցվող երիտասարդական շարժումներց: Մենք բացահայտելու ենք մեր իրականության տարբեր երևույթների մութ կողմերը, որոնք խոստանում են լինել սկանդալային և սենսացիոն, ինչի համար մեզ գուցե շատ օղակներում չսիրեն:
Մեր ունեցած հավաստի տեղեկություններով՝ համացանցում ակտիվ «Չենք լռելու» նախաձեռնությունը գաղտնի ֆինանսավորվում է Հայ Հեղափոխական Դաշնակցության կողմից և ամեն ամիս երիտասարդ ակտիվիստները ամերիկյան բյուրոյի կոմից ստանում են 100.000 դոլար, իսկ Հայստանի գումարները մեզ դեռ անհայտ են: Այդ կապը, սակայն, շուտով նախաձեռնությունը կամաց-կամաց կբացահայտի: Առաջին քայլը դաշնակներին պատկանող «Երկիր Մեդիա»–ի հաղորդումներից մեկին մրցանակ տալն էր: Իսկ այլ հեռուստաընկերությոլններին նրանք միայն «Աղբ եթերից» են տալիս: «Չենք լռելու»-ի անդամները մրցանակ տալիս շեշտեցին, որ «Երկիր Մեդիա»–ն միակն է, որի եթերից ոչ մի «աղբ» չկա: Դրանով նրանք ընտրություններից առաջ մարդկանց հուշում են նայել Դաշնակցության քարոզչությունը կատարող ալիքը: Հիշեցնենք որ կռվախնձորը, որին հյուրընկալվել և սուտ պարզաբանումներ էր տվել «Չենք լռելու»-ի չսիրած Անժելա Սարգսյանը «Երկիր Մեդիա»–ի «աղբերից» է:
Ի դեպ «Չենք լռելու»–ն այնքան պոպուլյար է, որ անգամ երեկ «Կարգին սերիալի» Ադիկն այն հիշատակեց:
«Ճշմարտության հետքերով» նախաձեռնություն նախագահ` Սարգիս Ղումաշյան»։
