Վենեսուելայի առողջապահության նախարարության բարձրաստիճան պաշտոնյան հայտնել է, որ կանանց կտրամադրվի անվճար վիրահատության հնարավորություն, որպեսզի հեռացվեն նրանց` Ֆրանսիայում պատրաստված կրծքի իմպլանտները:
Առողջապահության նախարար Էուխենիա Սադերը հայտնել է, որ այն կանայք, ում կրծքի իմպլանտները պատրաստվել են ֆրանսիական այժմ այլևս չգործող Poly Implant Prothese ընկերության կողմից, կարող են գնալ ցանկացած հիվանդանոց, որտեղ պլաստիկ վիրահատություններ են իրականացվում, և հեռացնեն դրանք:
Associated Press-ը հայտնում է, որ Ֆրանսիայի առողջապահության նախարարութունը խորհուրդ է տվել հեռացնել կրծքի իմպլանտները և հայտարարել է, որ կվճարի բոլոր վիրահատությունների համար: Բրազիլիան և Արգենտինան կանանց միայն խորրհորդ են տվել հաճախակի ստուգվել:
Վենեսուելայի պետական լրատվամիջոցի հաղորդմամբ՝ Սադերն ասել է, որ կառավարությունը պատրաստ է վճարել իմպլանտների հեռացման համար, բայց ոչ դրանք այլ իմպլանտներով փոխարինելու համար:
