ՀՀ կառավարության վաղվա նիստի օրակարգում, որպես լրացուցիչ հարց, ընդգրկվել է «Շիրակ կենտրոնի» կողմից պատրաստված և բազմաթիվ էլեկտրոնային պարբերականներում տեղադրված «Չորս որբ երեխաներ առանց բնակարանի» տեսանյութում ներկայացված Հովսեփյանների ընտանիքին բնակարան հատկացնելու մասին որոշման նախագիծը:
«Շիրակ կենտրոն» ՀԿ-ն «Առաջին լրատվական»-ին տեղեկացնում են, որ բարեբախտաբար, դեռ մեր կողմից պատրաստված և հրապարակված որևէ տեսանյութ անարձագանք չի մնացել:
«Աջակցության ձևերն ու բովանդակություններն էլ են տարբեր: Ինչպես տեսանյութերի հերոսներին, այնպես էլ մեր կազմակերպության գրասենյակ Հայաստանի տարբեր քաղաքներից ու արտերկրից աջակցություն են ցուցաբերում բազմաթիվ անհատ բարերարներ և կազմակերպություններ»,- նշված է կենտրոնի հաղորդագրության մեջ:
Հովսեփյանների ընտանիքին զգալի ֆինանսական հատկացում կատարելու որոշում է կայացրել ՀԱԵ ԱՄՆ հոգևոր թեմը, այցելել և աջակցություն են ցուցաբերել միջազգային մի շարք կազմակերպությունների Գյումրիում գործող կառույցները:
Նրանց ընտանիքին նյութական և ֆինանսական աջակցություն են ցուցաբերել նաև Երևանից գործարար Հրանտ Պիվազյանը, անգամ Facebook սոցիալական կայքի օգտատեր Լաուրա Հովհաննիսյանը և այլք:
Հովսեփյանների ընտանիքը պետության կողմից բնակարանային փոխհատուցման ոչ ենթակա 5-րդ ընտանիքն է, որին նվիրաբերվում է բնակարան:
