Սփյուռքահայերի դեմ («Փարիզյան սուրճ» ընկերության սեփականատեր, ֆրանսահայ գործարար Վալերի Գործունյանի, ինչպես նաև «Նարեկացի» արվեստի միության նախագահ Նարեկ Հարթունյանի) կիրառած վերջին ճնշումները անհանգստացնում են նաև սփյուռքի մտավորականներին:
«Ազատ խոսք» համացանցային թերթի խմբագիր Երան Գույումճյանի (Նիկոսիա-Կիպրոս) դիտարկումներով` Հայաստանի Հանրապետությունում ներդրողների կամ բիզնեսով զբաղվող մարդկանց սեփականությունը կամ այլ իրավունքները պաշտպանված չեն բոլորի համար հավասարապես գործող օրենքներով, իսկ եթե երկիրը կամայականություններով կամ անարդարություններով է կառավարվում, որոշակիորեն կորցնում է վստահությունը՝ ներդրողների համար:
Իսկ ինչ վերաբերում է սփյուռքահայ մարդուն, որը փափագում է Հայաստանի մեջ գործ սկսել և ներդրումներ անել, Երան Գույումճյանի խոսքով, նա պետք է ապահովված զգա իրեն։ «Երբ կայ նման իրավիճակ, երբ կայ նաեւ տխուր օրինակը վերոյիշեալ անձերուն, որոնք իրապէս դառնացած կը թուին ըլլալ մեր երկրին անարդար կարգուսարքէն…»,-նշել է Ե. Գույումճյանը:
