«Իջևանի քաղաքապետարանը այս տարին կփակի ծակ բյուջեով՝ չվճարելով մի քանի հիմնարկների աշխատավարձերի մի մասը՝ երեկ «ՀԺ»-ին հայտնել է Իջևանի քաղաքապետարանի ֆինանսական վարչության պետ Վարազդատ Գևորգյանը:
Թերթի հարցին` ինչու է այդպես ստացվել, Շինվարչության պետն ասել է. «Հիմա ես միանգամից չեմ կարող այդ հարցի պատասխանը տալ»: Իսկ հարցին՝ նախկին քաղաքապետ Վ. Ներսիսյանի մեղքի բաժինը դրանում կա՞, պատասխանել է. «Ես դատավո՞ր եմ, որ ասեմ՝ կա, թե չկա»:
Գևորգյանը, ի դեպ, հրաժարվել է թվել այն հիմնարկների անունները որոնց աշխատակիցների աշխատավարձերը չեն վճարվել: Դրանից բացի, քաղաքապետարանը տարվա արդյունքներով պարտք կմնա այլ ընկերությունների ևս:
«Իսկ Իջևանի նորընտիր քաղաքապետ Վարդան Ղալումյանը երեկվանից անցել է իր պարտականությունների կատարմանը»,- հավելում է թերթը:
