«Մեծն Գեթսբի» ֆիլմի նկարահանումները ժամանակավորապես դադարեցվել են այն բանից հետո, երբ նախագծի ռեժիսոր Բազ Լուրմանը նկարահանման հրապարակում վնասվածք է ստացել: Այս մասին հայտնում է The Sydney Morning Herald-ը:
Ականատեսների խոսքերով, Լուրմանը գլխով հարվածել է օպերատորական ամբարձիչ կռունկին և ստիպված է եղել դիմել բժշկի: Նրա առողջությանը վտանգ չի սպառնում: Այնուամենայնիվ, ֆիլմի պրոդյուսերները որոշել են դադարեցնել աշխատանքները: «Մեծն Գեթսբիի» նկարահանումներն ավարտվելու են 2012 թվականին:
Լուրմանի նոր ֆիլմը Ֆրենսիս Սքոթի համանուն վեպի էկրանավորումն է: Ֆիլմում նկարահանվում են Լեոնարդո դի Կապրիոն, Քերի Մալիգանը և Թոբի Մագուայերը: Դի Կապրիոն մարմնավորում է Գեթսբիին, Մալիգանը` Դեյզի Բյուքենենին, իսկ Մագուայերը կատարում է Նիկ Քարավեյի դերը:
Ֆիլմը վարձույթի է հանվելու 2012 թվականի դեկտեմբերին: Այն էկրան կբարձրանա նաև 3D ֆորմատով:
