Ռուսաստանի նախագահ Դմիտրի Մեդվեդևը հայտարարել է, որ Ռուսաստանին սպասվում են տնտեսական դժվարություններ, ինչի մասին պետությունը անկեղծ պետք է ասի իր քաղաքացիներին:
Ինչպես հաղորդում է Интерфакс գործակալությունը, Մեդվեդևը նշել է, որ Ռուսաստանը «շատ վատ» չի դիմակայել 2008-2009թթ. ճգնաժամը, և ընդգծել է, որ հետագայում երկրի տնտեսությունը կբախվի դժվարությունների:
«Բայց առջևում ոչ պակաս կարևոր փորձություններ կան, և մենք պետք է այդ մասին միանգամայն բացահայտ, ազնիվ, պարզ, բայց լավ ռուսերենով ասենք մեր քաղաքացիներին: Նրանք պետք է հասկանան. առջևում դժվարություններ կան»,- նշել է Մեդվեդևը:
Ավելի վաղ Ռուսաստանի տնտեսությանը սպասվող ռեցեսիայի մասին էր խոսել երկրի ֆինանսների փոխնախարար Սերգեյ Ստորչակը:
