2011 թվականի դեկտեմբերի 26-ին ՀՀ բնապահպանության նախարարությունում տեղի է ունեցել նախարարին կից կոլեգիայի նիստ, որին հրավիրված է եղել ՀՀ նախագահին առընթեր Սևանի հիմնահարցերի հանձնաժողովի նախագահ Վլադիմիր Մովսիսյանը:
ՀՀ բնապահպանության նախարարության մամլո ծառայությունից «Առաջին լրատվական»-ին տեղեկացնում են, որ կոլեգիայի նիստին քննարկվել է ՀՀ բնապահպանության նախարարության կողմից 2011 թվականի ընթացքում կատարված աշխատանքների հաշվետվությունը, որի շրջանակներում ամփոփվել են և գնահատվել նախարարության գործունեության հիմնական արդյունքները, մասնավորապես ներքոհիշյալ հիմնական բնագավառների և ոլորտների գծով ծրագրերի կատարման ընթացքի կամ կատարողականների մասով.
1. ՀՀ կառավարության գործունեության 2011 թվականի ծրագիր
2. 2011 թվականի գերակա խնդիրների գծով ծրագրերի կատարում, այդ թվում`
2.1. Սևանա լճի ջրի մակարդակի բարձրացման հետևանքով ջրածածկման ենթակա տարածքներում վնասակար ազդեցության կանխարգելման միջոցառումների իրականացում,
2.2. Սևանա լճում էնդեմիկ ձկնատեսակների պոպուլյացիայի համալրում,
2.3. Հայաստանի Հանրապետության Շիրակի մարզի Աշոցքի տարածաշրջանում պահպանվող տարածքների ստեղծում.
3.Օրինաստեղծ աշխատանքներ.
4. Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների 2011 թվականի տարեկան ծրագրի կատարման ընթացք.
5. Բնապահպանական և այլ միջոցառումների ու ծրագրերի կատարման ընթացք.
ՀՀ բնապահպանության նախարար Արամ Հարությունյանը, բարձր գնահատելով Վլադիմիր Մովսիսյանի և նրա գլխավորած հանձնաժողովի դերը Սևանա լճի հիմնահարցերի լուծման ուղղությամբ, պարգևատրել է «Բնապահպանության բնագավառում նշանակալի ավանդի համար» գերատեսչական ոսկե մեդալով:
Նախարարը կարևորել է համագործակցությունը ՀՀ նախագահին առընթեր Սևանի հիմնահարցերով հանձնաժողովի հետ և հույս հայտնել, որ այն կլինի շարունակական և կտա իր դրական արդյունքները:
