Հյուսիսային Կորեան այսօր հեռարձակել է կադրեր, որտեղ երևում են Կիմ Չեն Ունը և նրա հորեղբայրը, որը նաև Ունի խնամակալն է:
Վերջինս կադրերում կրում էր զինվորական համազգեստ, ինչը ապացույցն է այն բանի, որ հորեղբայրը կարևոր դեր կունենա երիտասարդ առաջնորդին քաղաքական հարցերում օգնելու համար: Նա նաև կաջակցի վերջինիս, որպեսզի ռազմական հարցերը ետին պլան չմղվեն (նրա հոր` Կիմ Չեն Իրի համար առաջնայինը ռազմական հարցերն էին):
Կադրերում երևում է զինվորական համազգեստով Չան Սոն Թհեկը, որն իր հարգանքի տուրքն է մատուցում Կիմ Չեն Իրին Կիմսուսանի հուշահամալիրում: Ինչպես հաղորդում է Սեուլի միավորման նախարարությունը, նոր առաջնորդի հորեղբայրը առաջին անգամ է պետական հեռուստաալիքի եթերում հանդես գալիս այդպիսի համազգեստով:
Associated Press-ը հայտնում է, որ Հյուսիսային Կորեան ներկայացնում է մանրամասներ, թե ինչպես կձևավորվի Կիմ Չեն Ունի աջակիցների ներքին կազմը:
