Ֆիլիպինների ավիաընկերության ուղեկցորդուհիները, որոնք ճանաչում էին ձեռք բերել թռիչքների ժամանակ անվտանգութան կանոնները ներկայացնելու ժամանակ պարով, Ամանորի նախաշեմին որոշել են ևս մեկ անգամ բարձրացնել օդանավի ուղևորների տրամադրությունը:
Անցած տարի նրանք պարել են Լեդի Գագայի երաժշտության ներքո, իսկ այս տարի պարեցին ամանորյա տոնական ուրախ երգի ներքո:
Cebu Pacific ավիաընկերությունը հայտնում է, որ պարի միջոցով անվտանգության կանոնների ներկայացումը իրականում օգնում է, որ ուղևորները ուշադրություն դարձնեն դրանց:
Ավիաընկերության ներկայացուցիչ Քանդիս Իյոգն ավելի վաղ ասել էր, որ Սուրբ ծննդյան օրերին կփորձեն զվարճացնել մարդկանց իրենց թռիչքների ժամանակ:
Եվ ահա, դեկտեմբերի 16-ին աշխույժ ուղեկցորդուհիները դարձյալ ուրախության պահեր պարգևեցին ուղևորներին՝ արժանանալով ծափահարությունների։
Ստորև առաջարկում ենք դիտել ամանորյա ուրախ տեսանյութը։
