«Ժողովուրդ»-ը գրում է, որ ԱԺ նախագահ Սամվել Նիկոյանը երեկ իր մոտ է հրավիրել ԱԺ բոլոր վարչության պետերին և ԱԺ աշխատակազմի ղեկավար Գեղամ Ղարիբջանյանին: Թերթի տեղեկություններով` նա մեծ «ռազբորկա» է արել` փորձելով հասկանալ, թե որտեղից են մամուլում հայտնվում ԱԺ-ին վերաբերող տեղեկությունները:
Ըստ թերթի աղբյուրների` առանց կոնկրետացումների, Սամվել Նիկոյանը հայտարարել է, որ դա, ինչպես նաև միջանցքներում քչփչալը, դիտում է սաբոտաժ, որն անողները կպատժվեն:
«ԱԺ նախագահը հայտարարել է նաև, որ ինքը ևս աղբյուրներ ունի և տեղյակ է, թե ինչ խողովակներով է ինֆորմացիան տեղ հասնում: Ինչ վերաբերում է նրա և ԱԺ աշխատակազմի ղեկավարի բոլորին հայտնի ոչ լավ հարաբերություններին, ապա նշվում է, որ Գեղամ Ղարիբջանյանն ակտիվ աշխատում է դիվանագիտական, ի մասնավորի` դեսպանական աշխատանքին վերադառնալու ուղղությամբ»:
