Facebook ընկերությունը ստեղծել է նոր կայքէջ, որտեղ բացատրում է, թե ինչպես և ինչու է սոցիալական կայքը կախված գովազդից:
About Advertising on Facebook էջում ընկերությունը հայտնում է, որ տարեկան մեկ միլիարդ դոլար է օգտագործում կայքի շահագործման համար, այդ իսկ պատճառով հիմնվում է գովազդների վրա` որպեսզի կարողանա այդ գումարները վճարել:
Facebook-ը նաև հավաստիացնում է, որ կայքն օգտագործողների անձնական տեղեկությունները չի վաճառում գովազդատուներին, այլ ընկերությունը պարզապես գումար է ստանում՝ գովազդները կայքում տեղադրելով:
CNTE News-ը գրում է, որ հայտարարության մեջ ասվում է. «Ձեր մասին տեղեկատվությունը վաճառելը լավ չի լինի նաև մեր ընկերության համար: Քանի որ Facebook-ը ստեղծվել է, որ դուք կարողանաք կապվել ձեր ընկերների և բարեկամների հետ: Եվ եթե դուք զգաք, որ ձեր տեղեկատվությունն ապահով չէ, դուք չեք օգտագործի կայքը կամ բավական ինֆորմացիա չեք տեղադրի այնտեղ»:
