Վաղը «Նարեկացի» արվեստի միությունում վոկալ երաժշտության համերգ է։ Համերգի մենակատարներն են սոպրանոներ Վալենտինա Պետրոսյանը, Արմինե Եսայելյանը, Սոնա Ղամբարյանը, Մարիամ Դուրգարյանը։ Համերգի ղեկավարն է դոցենտ Մարինե Դեինյանը, նվագակցում է Կատրին Հովսեփյանը (դաշնամուր)։
Ծրագրում կհնչեն հայ, ռուս և արևմտաեվրոպական կոմպոզիտորների ստեղծագործություններ։
Իսկ դեկտեմբերի 23-ին «Նարեկացի» արվեստի միությունը կողողվի դասական ու ջազային կատարումներով։
Այս մասին «Առաջին լրատվական»-ի հետ զրույցում հայտնեց «Նոր կվինտետի» գեղարվեստական ղեկավար և առաջին ջութակ Մանան Գարուկյանը: Նրա խոսքով, ծրագրում կհնչեն Ֆրից Կրեյսլերի «Փոքր վիեննական քայլերգ», Ֆրանց Լեհարի Serenada Fraskita, Ռիխարդ Վագների «Հարսանեկան քայլերգ», Սքոթ Ջոփլինի «Ռագթայմ», Աստոր Պիացոլլայի Paloma, Libertango, Զիգմունդ Ռոմբերգի oftly, as in a morning sunrise, Ջորջ Գերշվինի Love walked in, The man i love և այլ հայտնի ստեղծագործություններ:
«Նոր կվինտետի» առաջին ջութակը տեղեկացրեց, որ համերգին որպես մենակատար ելույթ կունենա Ալլա Սահակյանը, իսկ մինչ համերգը կբացվի գեղանկարիչ Սարգիս Գարուկյանի աշխատանքների անհատական ցուցահանդեսը, կցուցադրվեն գեղանկարչական աշխատանքներ։
