ՀՀ տրանսպորտի և կապի, արտակարգ իրավիճակների նախարարություններն «Առաջին լրատվական»-ին տեղեկացնում են, որ Մ-6 Վանաձոր-Ալավերդի-Վրաստանի սահման ավտոճանապարհի 35-րդ կիլոմետրում կա քարաթափման վտանգ:
Շինարարական աշխատանքներ կատարելու պատճառով 2011թ. դեկտեմբերի 21-24-ը նշված տեղամասում գործելու է միայն 1 երթևեկամասը, իսկ դեկտեմբերի 24-ին` պայթեցման աշխատանքների իրականացման պատճառով, հիշյալ տեղամասը փակ է լինելու երթևեկության համար:
Տրանսպորտային միջոցների երթևեկությունը կազմակերպվելու է շրջանցիկ Մ-6! -Դսեղ-Մարց-Մ-6 ճանապարհով:
Խցանումներից խուսափելու նպատակով ավտովարորդներին խորհուրդ է տրվում այդ օրերին և հատկապես դեկտեմբերի 24-ին զերծ մնալ նշված տեղամասով երթևեկելուց:
Ճանապարհի վերաբացման վերաբերյալ կհայտնվի լրացուցիչ:
