Մեծ Բրիտանիան, Գերմանիան, Ֆրանսիան և Պորտուգալիան երեքշաբթի օրը քննադատել են Մերձավոր Արևելքում Իսրայելի կատարած քայլերը և հատկապես այն, որ Իսրայելի շինարարության նախարարությունը հավանություն է տվել Երուսաղեմում և մոտակայքում բնակավայրեր կառուցելու պլանին: Այս մասին հաղորդում է France-Press գործակալությունը:
«Մենք կոչ ենք անում իսրայելական կառավարությանը վերանայել այս որոշումները»,- ասվում է հայտարարության մեջ:
ՄԱԿ-ի ԱԽ-ի անդամներն իրենց մտահոգությունն են հայտնել այս բացասական գործընթացի վերաբերյալ: Նրանք նաև պահանջել են Իսրայելից ջանքեր գործադրել պաղեստինցիների վրա հարձակումների կանխման ուղղությամբ:
Իսրայելի շինարարության նախարարության պլանների մեջ է մտնում կառուցել 500 բնակարան Երուսաղեմի Առ-Խոմա շրջանում, 180-ը՝ Գիվատ-Զեևում, և ևս 348-ը՝ Բեյտար-Իլիտում:
