Երևանյան թատրոնները Ամանորը կդիմավորեն մանկական միջոցառումներով։ Նշենք, որ քաղաքի գրեթե բոլոր թատրոնները երեխաների համար պատրաստել են ներկայացումներ։
Երևանի Հովհաննես Թումանյանի անվան պետական տիկնիկային թատրոնում փոքրիկները կարող են դիտել «Թզուկի երգը» և «Այս տարվա հեքիաթը և բարի վիշապը» ամանորյա մանկական ներկայացումները։
Խամաճիկների թատրոնում երեխաները կարող են դիտել «Ամանորի հարսանիքը»։
Երգի պետական թատրոնում ևս Ամանորի ներկայացում է՝ «Ուրախ նոտաներ»: Համազգային թատրոնում երեխաներին կզվարճացնի «Ձյունե թագուհին»:
Կարեն Դեմիրճյանի անվան մարզահամերգային համալիրում երեխաներին կդիմավորեն Սանկտ Պետերբուրգի պետական մանկական սառցե թատրոնի դերասանները՝ հայկական սիրված երգերի հիման վրա բեմադրած «Սառցե մանրապատումներ» շարքով։
«Արամ Խաչատրյան» համերգասրահում էլ երեխաների համար նախատոնական ամանորյա շունչը կապահովեն «Աստղիկները»։ Լիլիթ Դանիելյանի «Աստղիկներ» համույթի համերգին կմասնակցեն Դալիթան, Ռազմիկը և ընկերները, Style պարային համույթը, Gremmi ստուդիան:
