Ջոն Բոն Ջովին հերքել է իր մահվան մասին լուրերը: Երաժիշտը իր երկպագուներին վստահեցրել է, որ կենդանի է և իրեն լավ է զգում:
Ինչպես հայտնում է Корреспондент.net, օրերս համացանցում լուրեր էին տարածվել այն մասին, որ Բոն Ջովին մահացել է: Իբր երգիչը սրտի կաթված է ստացել Նյու Ջերսիի հյուրանոցներից մեկում, որտեղ ապրում է, որի հետևանքով մահացել է:
Դեկտեմբերի 19-ին 49-ամյա Բոն Ջովին Facebook սոցցանցի իր էջում հերքել է այդ լուրերը և տեղադրել է հումորային նկար: Նկարում նա կանգնած է տոնածառի կողքին, իսկ ձեռքում պահում է թուղթ, որի վրա գրված է. «Երկինքը շատ առումներով նման է Նյու Ջերսիին»: Ներքևում գրված է 2011 թվականի դեկտեմեբրի 19, 6.00:
Ջոն Բոն Ջովին հայտնի է որպես Bon Jovi խմբի վոկալիստ և հիմնադիր: 2008 թվականի օգոստոսին աշխարհում վաճառվել է խմբի ալբոմների ավելի քան 140 միլիոն օրինակ: 2010 թվականին Bon Jovi խումբը գլխավորել է ամենաեկամտբեր շրջագայությունների ցուցակը` The Circle Tour շրջագայության ժամանակ խումբը աշխատել է 201.1 միլիոն դոլար:
2010 թվակնաին ԱՄՆ նախագահ Բարաք Օբաման Բոն Ջովիին նշանակել է Սպիտակ Տան սոցիալ-հասարակական խնդիրների գծով խորհրդի անդամ: 2011 թվականին Բոն Ջովին Նյու Ջերսիում բացել է բարեգործական ռեստորան:
