Գիտնականները պնդում են, որ ստեղծել են նիհարեցնող հաբեր, որոնք առողջության համար վտանգ չեն ներկայացնում: Այս դեղահաբը կանգնեցնում է ախորժակը` օգտագործելով այն հորմոնները, որոնք բնականորեն առաջանում են մարդու ստամոքսում, երբ այն լիքն է: Դեղահաբը համարվում է առաջին միջոցը, որը թույլ է տալիս նիհարել` առանց առողջության համար որևէ վտանգ ներկայացնելու:
Նիհարելու համար վերջերս ստեղծված բոլոր դեղահաբերը կա՛մ ինչ-որ կերպ վատ են ազդում հենց ստամոքսի վրա, կա՛մ առաջացնում են սրտային և հոգեկան հիվանդություններ:
Mail Online-ը գրում է, որ, ի տարբերություն այս դեղահաբերի, OAP-189 անունով նոր հաբը հանդիսանում է ամենահեշտ ու ապահով միջոցը:
Դեղը ստեղծել է Լոնդոնի կայսերական քոլեջի պրոֆեսոր Սթեֆեն Բլումը: Նա ասում է, որ այն գործում է նմանակելով օրգանիզմում առկա հորմոնին, որն առաջանում է, երբ մարդն արդեն բավականաչափ կերած է:
Ակնկալվում է, որ նախապես դեղահաբը կվաճառվի միայն բժշկի նշանակումով և միայն շաքարախտով հիվանդներին, բայց այնուհետև այն կարող է հասանելի դառնալ բոլորին:
