«Ձմեռային փառատոնի» համար այս փառատոնը հոբելյանական է, քանի որ անցկացվում է 5-րդ անգամ:
Ավանդական դարձած ձմեռային շքերթը, երաժշտական օրերը, բնապահպանական տոնածառերի ցուցահանդես‐մրցույթը և բացօթյա զվարճալի խաղերը համալրվել են առցանց մրցույթներով և Ձմեռ պապերի մրցավազքով:
«Ձմեռային փառատոն-2011»-ը կառանձնանա հատկապես բնապահպանական ու առողջ ապրելակերպին ուղղված միջոցառումներով:
Այս տարի փառատոնը մեկնարկել է «Գտի՛ր Կաղանդ պապին» մրցույթով:
Դեկտեմբերի 16-17-ը Կաղանդ պապն այցելել է երևանյան սրճարաններ և սննդի հանրային վայրեր, առողջ ապրելու բարեմաղթանքներ հղել մարդկանց: Առցանց մրցույթի ավելի քան 90 մասնակից ստացել են խաղարկության կտրոն: Խաղարկությունը տեղի կունենա փառատոնի օրերին:
«Ձմեռային փառատոնը» նպատակ ունի նախատոնական և տոնական օրերին ամանորյա ուրախ տրամադրություն պարգևել երևանցիներին, ինչպես նաև նպաստել ձմեռային տուրիզմի զարգացմանը Հայաստանում:
Փառատոնը մեկնարկել է 2007թ.՝
Deem Communications ընկերության նախաձեռնությամբ, իսկ սկսած 2008-ից՝ նաև «Կանաչստան« ՀԿ-ի հետ համագործակցությամբ: