ՀՀ ԱԺ փոխնախագահ Էդուարդ Շարմազանովը այսօր ամփոփիչ ասուլիսի ընթացքում նշեց` հույս ունենանք, որ 2012-ը ընդդիմություն-իշխանություն փոխհարաբերություններում կլինի հանդուրժողականության տարի կլինի ընդդիմություն-իշխանություն փոխհարաբերություններում:
«2011-ին ժողովրդավարության առաջընթաց ենք արձանագրել: Մենք ցուցաբերեցինք քաղաքական կամք ընդդիմության հետ` խորհրդարանում, ինչպես նաև արտախորհրդարանական ուժերի հետ, ցավոք, այն ինչ-ինչ մարտավարական խնդիրների պատճառով առկախվեց: Հույս ունենանք, որ 2012-ը կլինի հանդուրժողականության տարի»,- հայտարարեց Շարմազանովը:
Անդրադառնալով առաջիկա նախընտրական տարվա ընթացքում ակնկալվող բանավեճերին` նա նշեց, որ պետք է անել ամեն ինչ անել, որ բանավեճը լինի քաղաքական օրակարգի շրջանակներում: Իրենք հասկանում են, որ ընդդիմությունը հենց քննադատելու համար է: Նա հույս հայտնեց, որ քաղաքական ուժերը կգնան ընտրական պայքարի առանց անձնական վիրավորանքի:
ՀՀ ԱԺ փոխնախագահը կարևորեց մի շարք օրենքների ընդունումը, և այս առումով մատնանշեց երկրում ժողովրդավարական առաջընթացը, ՀՀԿ-ի` ԵԺԿ անդամակցությունը:
Որպես երկրի առջև ծառացած խնդիր` նա նշեց սոցիալական բեւեռացումը հասարակության մեջ:
Անդրադառնալով արտաքին քաղաքականությանը` Շարմազանովը կարևորեց հայ-ռուսական հարաբերությունները, Սերժ Սարգսյանի այցը Ռուսաստան, Ֆրանսիայի նախագահ Նիկոլա Սարկոզիի պետական այցը Հայաստան:
Անդրադառնալով ղարաբաղյան հակամարտության կարգավորմանը` Շարմազանովը շեշտադրեց Ադրբեջանի ոչ կառուցողական կեցվածքը: