Հարավային Կորեային ֆոնդային ցուցանիշները Հյուսիսային Կորեային առաջնորդ Կիմ Չեն Իրի մահվան լուրը ստանալուց հետո իջել են 4.87 տոկոսով: Դեկտեմբերի 19-ին աճուրդի առաջին կեսին կորեական KOSPI ցուցանիշը իջել է 89.36 նիշով` մինչև 1750.6 նիշ:
Հրավկորեական առևտրականները France-Presse գործակալությանը ասել են, որ շուկայում տեղի ունեցածը համարում են ժամանակավոր երևույթ: Նրանց կանխատեսումներով՝ այսպիսի փոփոխականությունը կպահպանվի մի քանի օր՝ մինչև կայունանա քաղաքական իրավիճակը:
Ճապոնիայի ֆոնդային շուկաները աճուրդի առաջին կեսին ոչ մի կերպ չեն արձագանքել Հյուսիսիային Կորեայի առաջնորդի մահվան լուրին: Շանահայի Shanghai Composite ֆոնդային բորսային առաջատար ցուցանիշներն իջել է 2.5 տոկոսով:
Հիշեցնենք, որ դեկտեմբերի 19-ին Հյուսիսային Կորեայի պետական հեռուսատատեսությունը հայտնել էր երկրի առաջնորդ Կիմ Չեն Իրի մահվան մասին: Կիմ Չեն Իռը մահացել է 2011թ. դեկտեմբերի 17-ին երկրում ճանապարհորդություն կատարելիս: Նրա մահվան պատճառը եղել է սրտի կաթվածը: Կիմ Չեն Իրին հաջորդելու է նրա կրտսեր որդին՝ Կիմ Չեն Ունը:
Կիմ Չեն Իրի մահից հետո Հարավային Կորեան մարտական բարձր պատրաստականության է բերել իր զորքերը:
