Aksam-ը հրապարակել է Reuters գործակալության մեկնաբանությունն այն մասին, թե ինչու է Եգիպտոսը հետընթաց ապրում վերջին ժամանակաշրջանում, և դա հասկանալու համար բերելով տարբեր փաստեր՝ համեմատում է «վերջին 10 տարվա ընթացքում աճող տնտեսություն ունեցող և տարածարջանային ուժ դարձածե Թուրքիայի հետ: Հրապարակման մեջ տեղ են գտել հետևյալ փաստարկները. Միջազգային արժութային հիմնադրամի համաձայն՝ Թուրքիայի տնտեսությունը 2010 թվականին 7.8 տոկոս աճով աշխարհի ամենալավ տնտեսություն ունեցող պետությունների շարքն է դասվել:
Էրդողանը, ի տարբերություն արաբական երկրների ղեկավարների, ավելի բարձր վարկանիշ ունի, իսկ նրա ղեկավարած կուսակցության իշխանության գալուց հետո Թուրքիայի քաղաքական և մշակութային դերը արաբական աշխարհում աճել է: Գազայում նավատորմի իրադարձություններից հետո Էրդողանի՝ Իսրայելին ուղղված քննադատությունը արաբական աշխարհում նրան հերոս դարձնելու առիթ դարձավ: Բացի այդ, Թուրքիայում դեմոկրատական ճանապարհով ընտրված, հայացքը Արևմուտքին հառած, լիբերալ հայացքներ ունեցող կառավարության առկայությունը ևս փաստում է Թուրքիայի և մյուս արաբական երկրների տարբերության մասին: