Moody’s միջազգային վարկանիշային գործակալությունը հայտարարել է, որ Բելգիայի վարկային վարկանիշն իջեցնում է միանգամից 2 աստիճանով՝ Аа1-ից Аа3՝ բացասական կանխատեսմամբ:
Ինչպես հաղորդում է Reuters գործակալությունը, Moody’s-ի տարածած մամլո հաղորդագրության մեջ վարկանիշի իջեցումը պատճառաբանվում է այն հանգամանքով, որ խիստ վատացել են Բրյուսելի՝ վարկ վերցնելու պայմանները և դանդաղել է երկրի տնտեսական աճը:
Վարկանիշային գործակալությունը նշում է, որ վարկանիշի իջեցման վրա ազդել է նաև Dexia բանկի իրավիճակը:
Դեկտեմբերի սկզբին հայտի դարձավ, որ խնդրահարույց համարվող Dexia բանկի երեք գլխավոր բաժնետերերը՝ Ֆրանսիան, Բելգիան և Լյուքսեմբուրգը, համաձայնել են բանկին ժամանակավոր երաշխիքներ տալ 45 մլրդ եվրոյի չափով: Ինչպես հաղորդում է Euronews-ը, դրանք կգործեն մինչև 2012թ. մայիսի 31-ը: Հոկտեմբերին այս երկրները խոստացել էին Հունաստանի պարտքային ճգնաժամի առաջին զոհը դարձած այս բանկին տրամադրել երաշխիքներ 90 մլրդ եվրոյի չափով:
Բացի այդ, Բելգիայի կառավարությունը պետք է Dexia բանկին տրամադրեր 4 մլրդ եվրո առձեռն:
