ՄԱԿ-ի Անվտանգության խորհուրդը կոչ է արել Իրաքին միջոցներ ձեռնարկել Քուվեյթի հետ հարաբերությունները կարգավորելու համար:
Քուվեյթի և Իրաքի հարաբերությունները լարված են 1990 թվից, երբ Իրաքի նախկին բռնապետ Սադամ Հուսեյնի զորքերը ներխուժեցին Քուվեյթ:
Ինչպես հաղորդում է BBC-ն, ՄԱԿ-ը նշել է, որ մինչ այժմ անորորշ է իրաքյան ագրեսիայի ժամանակ անհետացած մի շարք քուվեյթցիների և օտարերկրացիների ճակատագիրը: Անհայտ է նաև Քուվեյթի մի շարք նյութական արժեքների և պետական արխիվի գտնվելու վայրը:
Իրաքի նոր կառավարությունը խոստացել է կատարել միջազգային բանաձևերով իր վրա դրված պարտավորությունները, սակայն, ինչպես ավում է ՄԱԿ-ի վերջին զեկույցում, անցած երկու տարիների ընթացքում Բաղդադի իշխանությունները ոչ մի քայլ չեն արել այդ ուղղությամբ:
Իրաքը մինչ այժմ Քուվեյթին պարտք է շուրջ 20 մլրդ դոլար՝ որպես դրամական փոխհատուցում: Երկու երկրների միջև մինչ այժմ սահմանները նշող պայմանագիր չկա:
