Քաղաքացիական վերաքննիչ դատարանը` նախագահությամբ Ստեփան Միքայելյանի, քիչ առաջ մերժեց «Ժամանակ» օրաթերթի հիմնադիր «Սկիզբ Մեդիա» կենտրոն ՍՊԸ-ի ներկայացուցիչ Նիկոլայ Բաղդասարյանի վերաքննիչ բողոքը և առաջին ատյանի վճիռը թողեց ուժի մեջ:
Հիշեցնենք, որ առաջին ատյանի դատարանը Թաթուլ Մանասերյանն ընդդեմ «Սկիզբ Մեդիա» կենտրոնի` պատիվը, արժանապատվությունը արատավորող տեղեկությունները հերքելու և վնասի փոխհատուցման պահանջի վերաբերյալ գործով մասնակի է բավարարել հայցապահանջը. պարտավորեցրել էր հերքել տեղեկությունների մի մասը, իսկ 2.5 միլիոն դրամից բավարարել էր 510 հազար դրամի չափով փոխհատուցումը: «Սկիզբ Մեդիա» կենտրոն ընկերությունը բողոքարկելու է վճիռը նաև Վճռաբեկ ատյանում:
