Այիշա Քադաֆին իր դատապաշտպան Նիկ Կայֆմանի միջոցով նամակ է ուղարկել Հաագայի միջազգային քրեական դատարանին: Այս մասին հայտնում է MIGnews.com կայքը:
Այիշան պահանջում է, որպեսզի միջազգային դատարանի քննիչները հետաքննեն իր հոր` Մուամար Քադաֆիի և եղբոր` Մութասիմ Քադաֆիի մահվան հանգամանքները:
Նամակում ասվում է. «Երկուսն էլ գերի են վերցվել ողջ և ոչ մի վտանգ չէին ներկայացնում, սակայն սպանվել են դաժանորեն: Եթե ձեր գրասենյակը մինչև հիմա չի սկսել այս հանցագործությունների հետաքննությունը, ես խնդրում եմ բացատրել ինձ պատճառները և հայտնել այն քայլերի մասին, որոնք ձեռնարկվել են ձեր կողմից»:
Նամակն ուղարկված է Հաագայի քրեական դատարանի գլխավոր դատախազ Լուիս Մորենո Օկամպոյի անունով: Պաշտոնական արձագանք դեռևս չի եղել:
