Մարդկային մարմնի մազերը թվում է, թե անօգտակար են ժամանակակից մարդու համար, բայց դրանք կարող են օգնել մակաբույծներին հայտնաբերելու հարցում. հայտնում են հետազոտողները` ավելացնելով, որ մեր կին նախնիները նախընտրել են մակաբույծներից ազատ զուգակցի, այդ իսկ պատճառով ընտրել են ավելի շատ մազեր ունեցող տղամարդու:
Թվում է, թե մարդիկ ավելի քիչ մազ ունեն իրենց մաշկի վրա, քան մեր կապիկ ընկերները, բայց մազերի արմատների խտությունը մեր մաշկի վրա իրականում նույնն է, ինչը ակնկալվում է, որ կունենար մեր չափսերի կապիկը: Նուրբ մազերը, որոնցով պատված է մեր մարմինը, իրականում փոխարինել են ավելի հաստ մազերին, որ կարելի է տեսնել կապիկների վրա, և ըստ գիտնականների հաղորդման՝ մեր կապիկ նախնիներից մեզ թողած էվոլուցիոն մնացորդն են:
Live Science-ը գրում է, թե այժմ գիտնականները պարզել են, որ այս նուրբ մազերը իրականում օգտակար են, քանի որ դրանք օգնում են ավելի հեշտ հայտնաբերել փայտոջիլներին:
Հետազոտությանը մասնակցել են 29 երիտասարդներ, որոնց մի մասի ձեռքի որոշ հատվածից հեռացրել են մազերը: Երբ նրանց ձեռքին փայտոջիլ են դրել, պարզվել է, որ այն տղամարդիկ, ովքեր չեն մաքրել ձեռքի մազերը ավելի արագոր են նշել, որ իրենց ձեռքին մակաբույծ կա, քան նրանք, որոնք մաքրել են ձեռքը:
Հետազոտության արդյունքները հրապարակվել են Biology Letters ամսագրում:
