Այս տարվա երրորդ եռամսյակի դրությամբ բանկային համակարգի կողմից տնտեսությանը տրամադրված վարկերի ծավալը (առանց լիզինգի և ֆակտորինգի) կազմել է 1 տրլն 107.0 մլրդ դրամ, որի 62.4%-ը բաժին է ընկել իրավաբանական անձանց, 34.9%-ը` ֆիզիկական անձանց, 2.7%-ը` բանկի հետ կապված անձանց և աշխատակիցներին (30.06.2011թ. դրությամբ` համապատասխանաբար 61.6%, 35.6%, 2.8 %):
Ոչ ռեզիդենտներին տրամադրված վարկային ներդրումները նվազել են 1.0%-ով և կազմել 79.7 մլրդ դրամ: Ռեզիդենտներին տրամադրված վարկային ներդրումները ավելացել են 5.2%-ով և կազմել 1 տրլն 186.7 մլրդ դրամ, ընդ որում՝ վարկավորման ծավալներն ավելացել են տնտեսության գրեթե բոլոր ճյուղերում:
Վարկավորման առավել բարձր աճի տեմպ է արձանագրվել մասնագիտական, գիտական և տեխնիկական գործունեության ոլորտում` 32.3%: Մշակող արդյունաբերության ոլորտին տրված վարկերն ավելացել են 10.2%-ով, առևտրի ոլորտին տրված վարկերը` 10.0%-ով, իսկ սպառողական և հիփոթեքային վարկերը՝ համապատասխանաբար 4.8% և 3.7%-ով:
30.09.2011 թ. դրությամբ բանկային համակարգի զուտ շահույթը կազմել է 24.5 մլրդ դրամ, շահութաբերությունը (տարեկանացված) ըստ ակտիվների` 1.8%, շահութաբերությունն ըստ կապիտալի (տարեկանացված)` 9.7%: Շահույթով են աշխատել 19 բանկ, վնասով` 2 բանկ:
Տոկոսային եկամուտների գերակշիռ մասը` 78.3%-ը, բաժին է ընկել տնտեսությանը տրամադրված վարկերից ստացված եկամուտներին:
