Բրիտանական ռոբոտներ արտադրող ընկերությունը հայտնում է, որ Գիզայի հսկա բուրգի գաղտնի դարպասներն առաջին անգամ կբացվեն 2012 թվականին՝ լուծելով 1872 թվականից հնագետներին հետաքրքրող խնդիրը:
Ավելի վաղ այս տարի Scoutek UK ընկերությունն արդեն սկսել էր ուսումնասիրություններ անել դարպասների հետևում՝ «փոքրիկ օձ» կոչվող ռոբոտի միջոցով: Բայց հետազոտութունները դադարեցվել էին Եգիպտոսում քաղաքական անհանգստությունների պատճառով:
Հետազոտության հեղինակ Շաուն Ուայթհեդն ասել է. «Ես գրեթե լիովին համոզված եմ, որ մենք աշխատանքները կվերսկսենք 2012 թվականին»:
4500-ամյա հսկա բուրգի 4 հիմնանցքերը դարձել են հնագետների հետաքրքրության առարկան այն բանից ի վեր, ինչ հայտնաբերվել են 1872 թվականին:
