Վաշինգտոնում Ջոն Քենեդու անվան Գեղարվեստի կենտրոնում ամերիկացիներն այսօրվանից կարող են դիտել Էլթոն Ջոնի «Բիլի Էլիոթ» մյուզիքլը: Այս մասին հաղորդում է РИА Новости-ն՝ վկայակոչելով Քենեդի-կենտրոնի մամուլի ծառայության ներկայացուցիչ Ստեֆանի Օ’Նիլին:
Մյուզիքլը բեմադրվել է համանուն ֆիլմի հիման վրա, սցենարը և տեքստը գրել է ֆիլմի սցենարի հեղինակ Լի Հոլլը:
Մյուզիքլը պատմում է անգլիացի երեխայի մասին, որը բռնցքամարտում ունեցած անհաջողություններից հետո հաջողության է հասնում բալետի բնագավառում: Այն առաջին անգամ ցուցադրվել է Լոնդոնում՝ 2005 թ., իսկ Բրոդվեյի պրեմիերան տեղի է ունեցել 2008 թ.:
Օ’Նիլը նշել է, որ ընդհանուր առմամբ բեմադրությունը ստացել է 81 պարգև, այդ թվում՝ միջազգային:
Մյուզիքլի վաշինգտոնյան ներկայացումները կտևեն մինչև հունվարի 15-ը: