Դեկտեմբերի 14-ին Կենտրոն և Նորք Մարաշ վարչական շրջանների ընդհանուր իրավասության դատարանում տեղի կունենա երեք նիստ` ընդդեմ թերթերի, որոնցից երկուսը` պատիվն ու արժանապատվությունը արատավորող տեղեկությունները հերքելու և փոխհատուցման պահանջի, մեկը` գործարար համբավն արատավորող տեղեկությունները հերքելու և վնասի հատուցման պահանջի մասին:
Ժամը 16.00-ին` նախագահությամբ Ալեքսեյ Սուքոյանի, տեղի կունենա «Գլենդել Հիլզն» ընդդեմ «Ժամանակ» օրաթերթի հիմնադիր «Սկիզբ Մեդիա Կենտրոն» ՍՊԸ-ի գործով հերթական դատական նիստը /լամպերի գործարանի մոտ գտնվող մասնաշենքում/:
Ժամը 14.00-ին` Էդիկ Ավետիսյանի նախագահությամբ, կրկին նույն դատարանում տեղի կունենա Ռոբերտ Քոչարյանն ընդդեմ «Հրապարակ» օրաթերթի գործով դատական նիստը:
Ժամը 12.00-ին` նախագահությամբ Ռուբեն Ափինյանի, տեղի կունենա Արմավիա ավիաընկերություն ՍՊԸ-ի հայցի քննությունն ընդդեմ «Չորրորդ իշխանություն» օրաթերթի հիմնադիր «Կողմնակի անձանց Մ» ՍՊԸ-ի` գործարար համբավն արատավորող տեղեկությունները հերքելու և վնասի հատուցման պահանջների մասին:
