Դեկտեմբերի 12-ին, ժամը 13:00-ի սահմաններում, մահացել է ՀՀ ԱՆ քրեակատարողական վարչության «Դատապարտյալների հիվանդանոց» ՔԿՀ գտնվող դատապարտյալ, 1936թ. ծնված Ալբերտ Ռշտունին:
Ախտորոշումը` շաքարային դիաբետ ծանր ընթացք, դիաբետիկ նեֆրոպատիա, խրոնիկական երիկամային անբավարարություն 1-2-րդ աստիճանի, սրտի իշեմիկ հիվանդություն, աթերոսկլերոտիկ կարդիոսկլերոզ, խրոնիկական սիրտ անոթային անբավարարություն 1, 2-րդ աստիճանի, կանգային թոքաբորբ և ուղեղի այտուց:
Ալբերտ Ռշտունին 27.07.2011 թ-ին Արաբկիր և Քանաքեռ-Զեյթունի վարչական ընդհանուր իրավասության դատարանի կողմից դատապարտվել էր 7 տարի ազատազրկման’ ՀՀ քրեական օրենսգրքի 104 հոդվածի 1 մասով (սպանություն):
Փաստի կապակցությամբ նախապատրաստվել են նյութեր, նշանակվել է դատաբժշկական փորձաքննություն: Այս մասին «Առաջին լրատվական»-ին տեղեկանում են ԱՆ լրատվական ծառայությունից:
