Ռուսական Regnum լրատվական գործակալությունը, վկայակոչելով իրանական լրատվամիջոցներին, հայտնում է, որ իրանական ԶԼՄ-ները պահանջում են Թեհրանից վտարել ադրբեջանական ԶԼՄ-ների բոլոր ներկայացուցիչներին։
Նշվում է, որ Ադրբեջանի նախագահի աշխատակազմի հասարակական-քաղաքական հարցերի բաժնի ղեկավար Ալի Հասանովը ոչ վաղ անցյալում կատարած իր իրանական այցի ժամանակ հանդիպում էր ունեցել Իրանի ռադիոյի ու հեռուստատեսության ազգային կազմակերպության նախագահ Իզաթուլահ Զարգամի հետ և պայմանավորվել համագործակցության խորացման շուրջ։
Որպես դրա առաջին քայլ՝ պետք է ստեղծվեր համատեղ կոմիտե։ Սակայն Հասանովի՝ Բաքու վերադառնալուց ընդամենը 4 օր անց՝ դեկտեմբերի 9-ին, Ադրբեջանը վտարեց Իրանի հեռուստառադիոընկերության Բաքվի գրասենյակի ղեկավար Ահմադ Կազեմիին։
Այս կապակցությամբ իրանական ԶԼՄ-ների ներկայացուցիչները հայտարարում են, որ Բաքուն այդ քայլի համար պետք է ներողություն խնդրի և վերանայի իր որոշումը. «Միևնույն ժամնակ մենք Իրանի ԱԳՆ-ից պահանջում ենք բողոքի նոտա հղել Ադրբեջանի դեսպանին և Թեհրանից վտարել ադրբեջանական ԶԼՄ-ների բոլոր ներկայացուցիչներին»։
