Ե՛վ մարդիկ, և՛ միջատները միևնույն կերպ են որոշումներ կայացնում, բայց մեղուները կարող են մեզ սովորեցնել, թե ինչպես է աշխատում մեր ուղեղը:
Նյու Յորքի Քորնել համալսարանի, Կալիֆոռնիայի և Բրիսթոլի համալսարանների կենսաբանները անցկացրել են հետազոտություն` անօթևան մեղուների համար երկու փեթակներ իրար կողք դնելով և մեղուների վարքին հետևելով ու ուսումնասիրելով, թե ինչպես են որևէ փեթակ ընտրած մեղուները հաղորդակցվում հակառակորդ փեթակի մեղուների հետ:
Daily News and Analysis-ը հայտնում է՝ պարզվել է, որ այն մեղուները որոնք ընտրել էին վարդագույն ներկված փեթակներից մեկը, փորձում էին կասեցնել այն մեղուների պարը, որոնք փորձում էին գովազդել դեղինով ներկված փեթակը: Եվ նույնը տեղի էր ունենում հակառակ դեպքում:
Փեթրիք Հոգանը, ով ստեղծել է մեղուների մաթեմատիկական մոդելը, ասում է, որ մեղուները փորձում են կանգնեցնել իրենց թշնամի մեղուների պարը միայն համայնքի ներսում` կանխելով ամբողջ համայնքի անորոշությունը և հուշելով, թե որ փեթակը կարելի է ընտրել:
«Այս հետաքրքիր վարքը դիտարկվել է մեղվային համայնքում՝ հետևելով առանձին մեղուների հարաբերություններին»: