Լիբիայի ցամաքային ուժերի ղեկավարին լիկվիդացնելու անհաջող փորձից հետո «զինտանյան բրիգադը» օկուպացրել է Միտտայի օդանավակայանը: Այս մասին հաղորդում է MIGnews.com կայքը:
Այս բրիգադի կազմում 3000 մարդ կա, ովքեր հանդիսավոր երթով մտել են օդանավակայան: Ըստ Լիբիայի Ազգային անցումային խորհրդի ներկայացուցիչների հայտարարության՝ իրենց հայտնի չեն, թե բրիգադի ներկայացուցիչներն ինչ նպատակներ և ցանկություններ են հետապնդում:
Օդանավակայանը գրավելու ընթացքում վիրավորվել է երկու մարդ:
«Լիբիայի ազգային բանակը», այսինքն՝ «տրիպոլիտանյան հեղափոխական զինվորականների բրիգադը», հավատացնում է, որ հարձակման է ենթարկվել «զինտանյան բրիգադի» կողմից, մինչդեռ «զինտանյան բրիգադն» իր հերթին հավաստիացնում է, թե օդանավակայանը գրավելուց հետո հարձակման է ենթարկվել «տրիպոլիտանյան բրիգադի» երեք ավտոմեքենաների կողմից:
