Վրաստանի նախագահ Միխեիլ Սաակաշվիլին իր աջակցությունն է հայտնել ռուս ժողովրդին՝ կապված բողոքի ցույցերի հետ, որոնք շաբաթ օրը տեղի են ունեցել ռուսական քաղաքներում: Այս մասին հաղորդում է BBC-ն:
«Մենք մեր համակրանքն ենք հայտնում ռուս ժողովրդին, որը պայքարում է անարդարության դեմ, որի զոհը ոչ միայն ռուս հասարակությունն է, այլ նաև Վրաստանի օկուպացված տարածքները: 21-րդ դարում տեղ չունեն այն ռեժիմները, որոնք ձգտում են ճնշել սեփական ժողովրդին և հարևան երկրներին»,- ասվում է նախագահի կայքում:
Վրացի առաջնորդը կարծիք է հայտնել, որ Ռուսաստանում սկսվել է մի գործընթաց, որը վերջ կդնի այնտեղ գոյություն ունեցող անարդար համակարգին:
Նա նաև նշել է, որ Վրաստանը զարգանում է և շարունակում է իր կուրսը՝ ուշադրություն չդարձնելով սպառնալիքներին:
«Սա երկար գոգրծընթացի սկիզբ է, որի հանգուցալուծումն է լինելու Ռուսաստանում իշխող ռեժիմի անկումը»,- հայտարարել է Սաակաշվիլին՝ լրագրողների հետ հանդիպման ժամանակ:
