Billboard երաժշտական ամսագիրը հրապարակել է 2011 թ. լավագույն կատարողների ցուցակը, որում առաջին տեղը զբաղեցնում է երգչուհի Ադելը:
Ըստ Billboard-ի՝ 2011 թ. լավագույն կատարողների տասնյակն ունի հետևյալ տեսքը.
1. Ադել
2. Ռիհաննա
3. Քեթի Փերի
4. Լեդի Գագա
5. Լիլ Ուեյն
6. Բրունո Մարս
7. Նիքի Մինաժ
8. Թեյլոր Սվիֆթ
9. Ջասթին Բիբեր
10. Քրիս Բրաուն
Ադելի «21» ալբոմը պարբերականը ճանաչել է 2011 թ. լավագույն ալբոմ, իսկ նրա Rolling in the Deep-ը՝ տարվա լավագույն երգ: Այսպիսով, ինչպես գրում է Reuters գործակալությունը, Ադելը դարձել է առաջին կինը, ում հաջողվել է գլխավորել Billboard-ի միանգամից երեք հիթ-շքերթ:
23-ամյա բրիտանացի երգչուհին օրերս տարվա արտիստ էր ճանաչվել iTunes Store ինտերնետ-խանութի կողմից. հենց նրա ստեղծագործություններն են ամենաշատը ներբեռնվել տարվա ընթացքում: Բացի այդ, նրա «21» ալբոմը և Rolling in the Deep-ը ճանաչվել են լավագույնը Rolling Stone երաժշտական ամսագրի կողմից: «21»-ը 2011 թ. դեկտեմբերին դարձել է 21-րդ դարում Մեծ Բրիտանիայի ամենավաճառված սկավառակը:
