Հարավային Մանչեսթրի համալսարանի գիտնականները պնդում են, որ երկօրյա խիստ սննդակարգը կարող է օգնել ավելի արագ նվազեցնել մարմնի քաշը, քան անընդհատ կալորիաները նվազեցնելու փորձեր անելը:
Ուսումնասիրությունը ղեկավարել է պրոֆեսոր Միշել Հարվին, ով էլ արդյունքները ներկայացրել է Սան Անտոնիոյում կայացած՝ կրծքի քաղցկեղի վերաբերյալ գիտաժողովում:
Հետազոտությանը մասնակցել են 100 կանայք, ովքեր կամավոր կերպով ընտրել են երեք սննդակարգերից մեկը: Առաջին սննդակարգն ընդգրկել է օրական միայն 650 կալորիաների օգտագործում՝ երկու օրվա ընթացքում, իսկ շաբաթվա մնացած 5 օրը նրանք կարող էին օգտագործել առողջ սնունդ:
Երկրորդ սննդակարգում կալորիաների սահմանափակում չի եղել, իսկ երրորդում կանայք իրավունք են ունեցել օրական սնվել 1500 կալորիայով, բայց չօգտագործելով ալկոհոլ, յուղային կերակուրներ և այլն:
Ուսումնասիրության արդյունքները ցույց են տվել, որ այն կանայք, ովքեր երկօրյա սննդակարգին են հետևել, կորցրել են 9 ֆունտ քաշ՝ համեմատած նրանց հետ, ովքեր հետևել են այլ սննդակարգերի և կորցրել 5 ֆունտ:
Ըստ The Telegraph-ի՝ երկօրյա սննդակարգին հետևած մասնակիցների մոտ նկատվել է երեք կարևոր կետերի առողջական վիճակի բարելավում։ Դրանք պատասխանատու են կրծքի քաղցկեղի համար: Լեպտին հորմոնի մակարդակը նվազել է 40 տոկոսով: