Եթե առնետներին տրվի ընտրության հնարավորություն՝ վազել մի կտոր շոկոլադի հետևից կամ օգնել մեկ այլ առնետի, ապա նրանք կընտրեն ընկերոջն օգնելու տարբերակը` ցույց տալով, որ իրենց նվիրվածությունը մյուս առնետների նկատմամբ բավականին մեծ է:
Հետազոտությունն արվել է Չիկագոյի համալսարանի գիտնականների կողմից և երեկ հրապարակվել է Science ամսագրում: Այն ցույց է տալիս, որ անգամ այս պարզ արարածներն ունակ են իրենց նմանների նկատմամբ բարություն և սրտացավություն ցուցաբերել:
Հետազոտողներն ուսումնասիրությունն իրականացրել են երկու շաբաթ 30 առնետների զույգերով միևնույն վանդակներում պահելով: Այնուհետև նրանց տեղափոխել են այլ վանդակներ, որտեղ առնետներից մեկը գտնվել է վանդակում, իսկ մյուսն ազատ է եղել և փախչելու հնարավորություն է ունեցել:
Ազատ առնետը կարող էր տեսնել վանդակում հայտնված իր ընկերոջը: Բավականին դժվար է եղել վանդակից ընկերոջն ազատելը, բայց առնետներից շատերը 3-7 օրում կարողացել են գտնել այն բացելու ձևը և ազատել են իրենց ընկերոջը:
Ըստ Disacovery News-ի՝ ապացուցելու համար, որ հետազոտությունը ճիշտ է, գիտնականները վանդակում հայտնված առնետների փոխարեն խաղալիք առնետներ են դրել` տեսնելու համար, թե արդյո՞ք առնետները կփորձեն նրանց էլ ազատել, սակայն նրանք չեն էլ փորձել:
